Thursday, February 16, 2012

កំណាព្យ​៖ខ្មែររឹងមាំ

បទ៖​ កាកគតិ


ខ្មែរជាជាតិមួយ                                 សូមយើងជួយស្ទួយ                                  វប្បធម៌ជាតិ                                       ខ្មែរមមានប្រាសាទ                                រាប់ពាន់ឥតប្រែ                                  បញ្ជាក់ផងដែរ
                                រឹងមាំរហង់​​      ។
ភស្តុតាងប្រាប់ថា                               ជីដូនជីតា                                
ខិតខំសាងសង                       ​​  ​   ​​​     សស្រាក់សស្រាំ                            ឥតមានបង្អង់                                  ​   បង្កើតសំណង់
                               កក្រើកលោកា​​​​​​​   ។

 សំណង់នានា                                   បញ្ចេញសោភា                                           ព្រមទាំងអប្សរា                                  រាប់ពាន់ឆ្នាំហើយ                              នៅតាំងទស្សនា                                 សម្រស់អស្ចារ្យ
                                ដូចស្រីសួគ៌ា​​     ។
 ជាតិខ្មែររឹងប៉ឹង                                   ខេមរាខំប្រឹង                                               ក្រេបយកវិជ្ជា                                   ជួយជាតិមាតុភូមិ                              ផុតទុក្ខវេទនា                                     ទាំងចាស់ជរា
                                សុខគ្មានកង្វល់​  ។
ទោះមានសត្រូវ                                 កសិករធ្វើស្រូវ                                          ផ្តួចផ្តើមផ្តល់ដល់                              សមរភូមិមុខ                                      កំចាត់គ្មានសល់                              អមិត្តច្របល់
                                ចង់បានគ្មានព្រួយ  ។
ខ្មែរមិនរណប                                    មិនចេះអែបអប                                           ប្រទេសណាមួយ                              ប្រយុទ្ធតបតល                                 ប្រើនីតិជួយ                                        រួមជាជំនួយ
                                កំចាត់គ្មានប្រែ   ។
សាមគ្គីភាពជាតិ                                ឥតមានរវាទ                                               រឹងមាំពូកែ                                         គ្មានសត្រូវណា                                 ចង់មកកែប្រែ                                   បេះដូងជាខ្មែរ
                                 រឹងមាំពិតៗ      ។
កងទ័ពអង់អាច                                សំបូរអ្នកប្រាជ្ញ                                           បង្កើតគំនិត                                        ការពារប្រទេស                                ប្រឆាំងអមិត្ត                                       ដែលចង់មិនគិត
                               សម្បត្តិខ្មែរក្តី    ។
ខេមរៈស្រីប្រុស                                  ទឹកចិត្តស្រួលស្រុស                                  រឹងមាំស្មារតី                                       មាំមួនអង់អាច                                   មិនខ្លាចអ្វីៗ                                       ចេះប្រោសប្រណី
                               រក្សាមិត្តភាព​​    ។



និពន្វដោយ៖ជាប៊ុនហ៊ី​ 
និស្សិតសាកលវិទ្យាល័យអន្តរជាតិឌូវី

សម័យកាលនៃរដ្ឋខ្មែរតាំងពី ដើមរហូតដល់បច្ចុប្បន្ន


១.សម័យបុរេប្រវត្តិ​(ការកកើតមនុស្ស ដល់មនុស្សចេះបង្កើតអក្សរ)
២.សម័យមុនអង្គរ​ ៖
២.១.ហ្វូណន ស.វ ទី១ (ឆ្នាំ ៥០)
២.២.ចេនឡា ឆ្នាំ ៥៥០ ដល់ ៨០២​ នៃ គ.ស
៣.សម័យអង្គរ​ ៖
៣.១.ចក្រភពអង្គរ ឆ្នាំ ៨០២ ដល់១២១៨
៣.២.សម័យអង្គរ ឆ្នាំ ៨០២ ដល់ ១៤៣១
៤.សម័យក្រោយអង្គរ​ ៖
៤.១.សម័យចតុមុខ ស.វ ទី១៥
៤.២.សម័យលង្វែក ស.វ ទី១៦
៤.៣.សម័យឧត្តុង្គ ឆ្នាំ ១៦២០ ដល់១៨៦៣
៥.សម័យអាណានិគមនិយមបារាំង​ ឆ្នាំ ១៨៦៣ ដល់១៩៥៣
៦.សម័យសង្គមរាស្រ្តនិយម ឆ្នាំ ១៩៥៥ ដល់១៩៧០
 (រាជានិយមទី១​ ឆ្នាំ ១៩៤១ ដល់១៩៥៥)
៧.សម័យសាធារណរដ្ឋខ្មែរ ឆ្នាំ ១៩៧០ ដល់១៩៧៥
៨.សម័យកម្ពុជាប្រជាធិបតេយ្យ ឆ្នាំ ១៩៧៥ ដល់ ១៩៧៩
៩.សម័យសាធារណរដ្ឋប្រជាមានិតកម្ពុជា ឆ្នាំ ១៩៧៩ដល់១៩៨០
១០.សម័យរដ្ឋកម្ពុជា ឆ្នាំ ១៩៨៩ ដល់១៩៩៣
១១.សម័យព្រះរាជាណាចក្រកម្ពុជា ឆ្នាំ ១៩៩៣ ដល់បច្ចុប្បន្ន
(សម័យរាជានិយមលើកទី២)​